Flamingos rosa en l'Argovia – quai è in maletg rar. I na sa tracta tar ils maletgs actuals betg da montaschas, mabain da vairs flamingos che han fatg ina fermada intermediara al lai da fermada da Klingnau. Il lai da fermada vala sco paradis per utschels e vegn visità regularmain dad ornitologs. Els discurran d'ina sensaziun.
Fitg rar: Flaminos giuvens al lai da Klingnau
-
Bild 1 von 3. Bildquelle: mad,Heinz Zumbühl.
-
Bild 2 von 3. Bildquelle: mad,Heinz Zumbühl.
-
Bild 3 von 3. Bildquelle: mad,Heinz Zumbühl.
Var 20 flamingos èn sa tschentads avant in pèr dis tar il lai da fermada da Klingnau. Da venderdi fin glindesdi han ils ornitologs annunzià pliras giadas d'avair vesì ils utschels. Els discurran d'ina «raritad spectaculara» en ina communicaziun communabla.
La rotscha saja vegnida vesida avant tschintg dis ad in punct d'observaziun d'utschels migrants enconuschent en Frantscha datiers dal cunfin svizzer. La saira èn ils animals giuvens lura sa mussads al Lai da Genevra.
Via Genevra en l'Argovia
Gievgia passada han ins vesì 34 fin 40 flamingos rosa al Lai da Genevra. «Quai è il segund grond dumber ch'ins ha vesì insacura en Svizra. Bain pussaivel ch'ils animals derivan da la Camargue (F). Là hai pli grondas populaziuns», scriva l'enconuschider d'utschels Heinz Zumbühl ad SRF.
Suenter la fermada al Lai da Genevra hai dà intgins flamingos en l'Argovia: «Var la mesadad, var 20 individis, èn vegnids vesids al Lai da fermada da Klingnau en l'Argovia, ulteriurs al delta dal Rain sin il cunfin tranter l'Austria e la Svizra», scriva il Club d'ornitologs 300, la pli gronda communitad svizra d'observaziun d'utschels.
Ils Flamingos ch'ins po vesair actualmain en l'Argovia sajan bain mo temporarmain qua, declera Stefan Greif, manader da project per la promoziun da las spezias tar l'organisaziun per la protecziun da la natira Birdlife Svizra. «Ils animals giuvens èn partids sco rotscha da la Camargue (F). In pèr èn alura probablamain partids fauss.» Lur finamira saja en sasez il sid.
Els pudessan partir mintga di
En la mar maglian ils animals cunzunt giomberet salins. Da quels deriva lur colur rosa. En il lai da fermada maglian ils flamingos en emprima lingia insects da l'aua, declera Stefan Greif da Birdlife vinavant. Ils animals al lai da fermada da Klingnau sajan animals giuvens e perquai anc petg pincs sco ils flamingos creschids.
