Siglir tar il cuntegn

Header

cuntegn

Svizra Dieschmillis patruns svizzers van prest en pensiun

Ils proxims tschintg onns stattan 75'000 interpresas pitschnas e mesaunas en Svizra avant la surdada ad ina nova generaziun.

74'744 interpresas pitschnas e mesaunas en Svizra stattan avant la surdada ad ina nova generaziun. Perquai che lur possessurs, societaris u cussegliers d'administraziun han cuntanschì u surpassà la vegliadetgna da 60 onns. L'onn 2015 eran quai anc 71'447 interpresas.

Analisa servetsch d'infurmaziun economica Bisnode D&B

Tenor in'analisa dal servetsch d'infurmaziun economica Bisnode D&B stettian 14% da las interpresas avant ina midada u er avant la liquidaziun. Radund in terz da las interpresas en la Svizra na vegnan betg surdadas.Quai tenor ina lavur da master dal pledader da Bisnode Christian Wanner da l'onn 2014. Tenor Wanner duai la cifra restar stabila ils proxims onns.

Cun surdadas betg reussidas giajan a perder plazzas da lavur, know-how e chapital, avertescha Bisnode. Sche las surdadas gartegian, lura vai tar 41% per ina surdada entaifar la famiglia. En 40% dals cas vegn la firma cumprada da persunas externas. Tar 19% dals cas surpiglian collavuraturs che lavuran gia en fatschenta la firma.

RR novitads 10:00

Artitgels legids il pli savens