Siglir tar il cuntegn

Header

In tancadi cun diesel.
Legenda: En Svizra custa il liter diesel normalmain 3 fin 20 raps dapli ch'il liter benzin. Keystone
cuntegn

Svizra Diesel è pli bunmartgà che benzin

Per il mument custa il liter diesel en Svizra pli pauc ch'il liter benzin. Ina situaziun speziala per la Svizra ch'i dat dentant adina puspè durant la stad.

En Svizra custa il liter diesel normalmain 3 fin 20 raps dapli ch'il liter benzin. Quai ha da far cun la taglia ch'è 3 raps per liter pli auta che sin benzin e cun ils custs da producziun ch'èn pli auts.

Actualmain è il diesel dentant pli bunmartgà ch'il benzin. «Quai ha surtut da far cun la dumonda per benzin ch'è creschida en ils Stadis Unids da l'America», ha la pledadra da l'associaziun dad ieli mineral, Francesca Romano ditg sin dumonda dad RTR. «Millis da turists èn il mument en viadi tras l'America e dovran perquai ina massa benzin - igl è numnadamain temps da vacanzas», declera ella la raschun. Tiers vegnia che pliras raffinarias sajan vegnidas controlladas, uschia che pli pauc benzin saja vegnì producì.

Diesel bainbaud puspè pli char

«Il pli tard cura che las vacanzas èn passadas e cura che las temperaturas sa sbassan puspè, crescha la dumonda per ieli da stgaudar e cunquai era il pretsch per diesel. Uschia ch'il diesel è bainbaud puspè pli char ch'il benzin», uschia Romano.

Artitgels legids il pli savens

Scrollar a sanestra Scrollar a dretga