Uschia han quest onn radund 96 pertschient da las persunas tranter 15 ed 88 onns nizzegià l’internet, quai mussa ina retschertga da l’Uffizi federal da statistica. La retschertga mussa era che persunas pli passadas èn activas en la rait. Numnadamain varga la mesadad da las persunas sur 75 onns.
Pajar cun apps empè cun la carta da credit
Era han daplirs cumenzà a pajar en l’internet cun apps sin il telefonin. Enstagl da 14 pertschient, pajan uss 34 pertschient da las Svizras ed ils Svizzers cun apps.
Nizzegià l’internet per novas chaussas
Sper las purschidas da scolaziun online han era daplirs duvrà la rait per conferenzas da video, telefons, messaging ni activitads sco tadlar musica.
Pli paucas persunas han dentant duvrà la rait per s’infurmar davart viadis e lieus d'albiert.
Ord l'archiv
Avant pli che 30 onns ha Tim Berners-Lee publitgà al Cern a Genevra ina rait da barattar datas – il world wide web! L’internet ha purtà massa bunas chaussas, ma era ragischà ora l'ina u l’autra chaussa.
