Siglir tar il cuntegn
Inhalt

Svizra Differentas opiniuns davart la transparenza en il parlament

Il Cussegl dals chantuns pretenda er en la segunda runda da cussegliaziun davart la revisiun dal dretg parlamentar dapli transparenza ch'il Cussegl naziunal.

parlamentaris dal Cussegl naziunal durant ina sessiun
Legenda: Maletg simbolic: Il Cussegl dals chantuns vul dapli transparenza ch'il Cussegl naziunal. Keystone

Da principi èn las duas chombras sa cunvegnidas da far pli transparent ils lioms d'interess dals parlamentaris. Tranter duain els en l'avegnir er stuair inditgar en il register lur patruns da lavur. Davart quant transparentas che las indicaziuns duain esser n'èn las duas chombras però anc adina betg perina.

Uffizi d'onur u lavur pajada

Tenor la veglia dal Cussegl dals chantuns duai er vegnir inditgà sch'i sa tracta dad lavurs en uffizi d'onur u lavurs pajadas. Quai na saja betg uschè cumplitgà, sco quai ch'intgins cussegliers naziunals pretendian, ha ditg la pledadra da la cumissiun Andrea Caroni. I giaja per quai dad inditgar las entradas che vegnian er inditgadas en la decleraziun da taglia.

Igl è tgunsch pussaivel ch'il Cussegl naziunal accepta en la terza runda da cussegliaziun las pretensiuns dal Cussegl dals chantuns. En la segunda runda hai da in na be per ina vusch. Plinavant han intgins parlamentaris mancà

RR novitads 11:00