A partir dal 1. d'avust datti la vignetta d'autostrada er sin via electronica. En il futur pon ins sa registrar cumadaivlamain en l'internet. Cumprar pon ins la vignetta sin www.e-vignette.ch. Tgi che vul restar tar la vignetta da tatgar, po vinavant far quai.
Ma la Confederaziun sto quintar cun damain entradas pervia da la e-vignetta. Concret giaja quai per var 17 milliuns francs damain, ha confermà la pledadra da l’Uffizi federal da la duana e la segirezza dals cunfins envers SRF. Quai correspunda a main che 5% da las entradas totalas tras la vendita da las vignettas per autostradas. In pitschen regress da las entradas possia la Confederaziun dentant cumportar.
A lunga vista entradas supplementaras
Spargnar possian ins en il futur damai ch'ils custs da stampa e da spediziun crodan davent. Cunquai che er las provisiuns da vendita per ils partenaris da distribuziun crodian davent, dettia quai a lunga vista schizunt entradas supplementaras per la Confederaziun. Quellas provisiuns fan actualmain ora 10% dal pretsch.
Or da l'archiv:
