Siglir tar il cuntegn

Header

cuntegn

Digitalisaziun In terz dal manaschis agriculs dovran meds digitals

Passa in terz dal manaschis agriculs dovran meds d'agid digitals. Quai mussa in’enquista da l’Uffizi federal da statistica.

Da quels 37% che dovran in med ditigtal, è l’instrument il pli impurtant il smartphone. Betg mo per telefonar mabain era per regular la temperatura en stalla, per pavlar, sauar e per chattar malsognas tar animals. En cifras concretas èn quai 18'082 da 49'363 manaschis che dovran meds digitals. Plinavant han 35% dals purs e las puras declerà da vulair investir ils proxims 1 fin 3 onns en talas tecnologias. Uschia pudess en trais onns, mintga segund manaschi duvrar in instrument digital.

2% dals bains purils dovran era dronas. La raschun principala per duvrar tecnologias digitalas saja la speranza da daventar pli flexibel e da pudair organisar meglier la lavur.

Passa 60% diversifitgads

Sco il BfS scriva sajan 62% dals manaschis diversifitgads. Il 2010 eran quai 45% da tut ils manaschis. Il 2020 ha mintga quart manaschi vendì products a moda directa, avant 10 onns eran quai anc be 12%.

Numerus proucts che vegnan vendids en talas butias da bains purils èn er vegnids elavurads gist là. Quai pertutga 14% da tut ils manaschis il 2020. In ulteiriur punct per la diversificaziun èn purs che lavuran parallel anc sin il bain puril d'in vaschin. Questa cumpart è restada pulit stabila, cun enturn 13% oz e 10% avant 10 onns che han lavurà per auters purs per ina paja. Questa lavur pussibilitescha tranter auter als purs da sbassr custs, u da parter custs per maschinas ch'i dovran.

Ord l'archiv:

video
Il futur da l'agricultura
Or da Minisguard dals 26.06.2021.
abspielen. Laufzeit 2 minutas 47 Sekunden.

RTR novitads 11:00

Artitgels legids il pli savens

Scrollar a sanestra Scrollar a dretga