En cumparegliaziun internaziunala n’haja la Svizra betg prendì suenter considerabel. Cumpareglià cun autras branschas en Svizra saja il grad da digitalisaziun dal sectur da la sanadad schizunt sut la media. Surtut la crisa da corona haja mussà tge deficits che la Svizra haja en quest connex.
Ins pensa qua vidlonder che tschertas datas da cifras da corna han stuì vegnir surdadas via fax.
Raschun che la Svizra giaschia enavos, saja ch'i manchia il persunal dal fatg, obstachels regulatorics sco er che la digitalisaziun n'haja nagina prioritad tar las instituziuns da sanadad.
Pandemia ha promovì digitalisaziun
Bain haja la pandemia promovì er part la digitalisaziun. Uschia dettia per exempel dapli consultaziuns tar il medi per internet u telefon. Tuttina n'è anc betg cler quant persistent che quest svilup è. Il trend giaja dentant cleramain vers ensi. Entant detia passa 200 start ups en connex cun la sanadad digitala en Svizra.
Il rapport mussia dentant cleramain che sur tut la giuventetgna giavischass dapli servetschs digitals. In punct central saja qua il dossier da pazients electronic, che vegn probablamain a sa metter tras ils proxims onns.