La nova applicaziun d'infurmaziun «SBB Inclusive» ha survegnì il premi «Canne blanche» 2020 da l'Uniun centrala svizra per il bain dals tschorvs.
Cun l'applicaziun «SBB Inclusive» pon tschorvs e persunas cun in impediment da vesida laschar preleger l'urari ed autras indicaziuns sin lur telefonin. Quest'applicaziun vegn purschida cun la midada da l'urari mez december.
Er anc en concurrenza eran «Haptic Touch Panel» da l'interpresa Schindler SA (ascensurs) e la retscha da cudeschs «Punkt, Punkt, Komma, Strich» da l'uniun PPKS. Quests cudeschs èn per emprender da leger la scrittira da tschorvs.
L'Uniun centrala svizra per il bain dals tschorvs surdat l'onuraziun a favur da persunas tschorvas, persunas cun impediments da vesair e surd tschorvs. Il premi è vegnì surdà per l'otgavla giada. Per l'emprima giada ha er ina giuria dal public pudì decider.