Siglir tar il cuntegn

Header

Dus guardiacunfins en in tren.
Legenda: Las pli bleras persunas ch'èn illegalmain en Svizra han ils guardiacunfins tschiffà en trens. Keystone
cuntegn

Svizra Dimora illegala sa reducescha vinavant

L'onn passà ha il corp da guardias da cunfin anc tschiffà 12'927 persunas, radund 22% damain ch'il 2018.

Il 2018 han ins constattà 16'563 dimoras illegalas, l'onn avant eran quai 27'300 ed il 2016 schizunt 48'838. Quai communitgescha il Corp da guardias da cunfin. Aifer quatter onns è uschia il dumber da persunas ch'èn illegalmain en Svizra sa reducì per bunamain 75%.

La gronda part da las persunas, ch'èn illegalmain en Svizra derivan da la Nigeria (1'994 persunas), suandà da persunas da l'Albania (821), l'Algeria (769), la Gambia (625) ed il Maroc (543).

En trens vegnan tschiffads ils blers

Las pli bleras da quellas persunas han ils guardiacunfins tschiffà en il tren, numnadamain 6'489. Sin via ha la guardia da cunfin tschiffà 5'472 persunas, 947 persunas en aviuns e 19 persunas sin bastiments.

La gronda part da las arrestaziuns hai dà en las regiun Berna, Basilea, Soloturn, Argovia, Lucerna, Sur- e Sutsilvania (3'277 persunas). Lura suonda la regiun dal Tessin (3'260) e la regiun Vallais, Vad e Friburg (2'395).

RTR novitads 14:00

Dapli da Svizraavrir la Landingpage

Nach links scrollen Nach rechts scrollen