Avant paucs dis ha la Posta Svizra annunzià da serrar sia filiala «Direct Mail» sin l’auter onn. Pertutgadas da questa mesira èn passa 3’800 plazzas da lavur. Uss ha il president dal cussegl d’administraziun da la Posta, Christian Levrat, almain ermpermess a las radund 70 persunas cun in engaschament fix in’autra plazza entaifer la Posta. Quai ha ditg Levrat en l’intervista cun la «SonntagsZeitung».
Per ils ulteriurs emploiads cun in pitschen pensum da lavur vegnia quai ad esser difficil. Dentant veglia la Posta far il pussibel d’er chattar per questas persunas ina schliaziun.
Ultra da quai ha l'anteriur president da la Partida socialdemocratica defendì la decisiun da serrar la firma. La decisiun na saja betg stada simpla, dentant necessaria.
«Direct Mail» distribuescha flyers, prospects e gasettas gratuitas.
Or da l'archiv
