Dis da film a Soloturn - «Empernaivel gnervusa» avant la projecziun dal film

Pudair mussar l'agen film ad in festival, quai è in zichel spezial. Bertilla Giossi è gia per la terza giada cun in da ses films a Soloturn, uschia po ella plitost sa legrar sin la preschentaziun e n'è betg stada uschè gnervusa. Tenor ella saja ses film vegnì tschernì, perquai ch'el haja il bonus d'exot. «Made in China – La digitalisaziun dal dicziunari rumantsch grischun» saja numnadamain vegnì realisà per gronda part en la China.

audio

Bertilla Giossi cun ses film als Dis da film a Soloturn

03:42 min, ord Actualitad dals 28.01.2020.

laschar ir. Durada: 3 minutas 42 Secundas.

Per Ursin Lutz, redactur dal Dicziunari Rumantsch Grischun èsi in mument spezial da pudair vesair il film a Soloturn. Per l'ina possia el uschia anc sa regurdar ina giada da questa lavur speziala e per l'autra saja era adina bun da mussar la lavur dal DRG ad in nov public.

Legenda: Avant la producziun datti anc la pussaivladad da far dumandas. RTR / Esther Berther

Il film «Made in China – La digitalisaziun dal dicziunari rumantsch grischun» vegn mussà anc ina giada mesemna, ils 29 da schaner 2020, a las 11:30 en il kino Canva a Soloturn. Ubain era ussa qua:

25:03

video

Made in China – La digitalisaziun dal Dicziunari Rumantsch Grischun

Or da Cuntrasts dals 07.12.2018.

laschar ir. Durada: 25 minutas 3 Secundas.

RTR actualitad 17:00