Siglir tar il cuntegn

Header

cuntegn

Dis da statistica Statistica: Tranter infurmaziun e manipulaziun

«Statisticamain crajan dapli glieud in fact, sch'ins di, che quest fact sa basa sin statistica». Quella frasa è enconuschenta. Sch'ins conferma in'opiniun cun statistica, han ins plitost il sentiment, che quell'opiniun è gista.

Tenor il manader dal post per statistica chantunal Patrick Casanova, na sajan las datas sezzas per il solit betg il problem. Surtut sch'ins sa basa sin cifras da funtaunas seriusas sco l'Uffizi federal per statistica, pon ins sa fidar. Pli problematic saja dentant co ch'ina statistica vegn interpretada, u co ch'ellas vegnan preschentadas.

Interpretaziun da statistica – in exempel

Personen-Box aufklappenPersonen-Box zuklappen

Ina citad ha 10'000 abitants, 100 da quels n'han nagina lavur. La quota da persunas senza lavur è en quel cas tar 1%.

In onn suenter han 150 persunas nagina lavur. La quota da dischoccupaziun è creschida per 0,5 sin 1,5%. Ins pudess dentant er dir, ch'il dumber da dischoccupads è creschì per 50%. Quai tuna suenter bler dapli ch'ils 1,5% – bain che tut las dus cifras sa basan sin la medema statistica.

RR actualitad 06:00