Siglir tar il cuntegn

Svizra Discurs cun l’UE duain cumenzar en var duas emnas

Il Cussegl federal fa per la prima giada indicaziuns concretas davart discurs cun l'Uniun europeica en chaussa "iniziativa d'immigraziun".

Plirs politichers europeics a l'avertura dal tunnel dal Gottard.
Legenda: L’avertura dal tunnel dal Gottard ha pussibilità impurtants discurs. Keystone

Sco quai ch'il minister da l'exteriur Didier Burkhalter ha fatg a savair, cumenzian ils discurs intensivs ils 24 da zercladur. Quai è il di suenter che la Gronda Britannia decida davart il «Brexit», l’extrada pussaivla da l’Uniun europeica.

A chaschun da l'avertura dal tunnel dal Gottard hajan ils schefs da stadi e regenza dals pajais vischins empermess da sustegnair il process, ha ditg Burkhalter. Previs sajan discurs sin livel da regenza, da ministers e da delegads. Emprims resultats vul il Cussegl federal cuntanscher anc questa stad.

Fin ils 9 da favrer 2017 sto il Cussegl federal realisar in artitgel da constituziun per limitar l'immigraziun.

RR Novitads 07:00