Tar la disfatga da l'ovra atomara Mühleberg l'onn 2019 è la gestiunadra BKW sa decidida per la varianta difficila. Ella vul cumenzar directamain suenter la serrada cun la dismessa.
Il mardi saira ha il concern d'energia infurmà la populaziun. La BKW quinta cun custs dad 800 milliuns francs per la dismessa, quai è tant sco la construcziun da l'ovra ha custà avant 40 onns. Radund 200 lavurers prendan dapart toc per toc l'ovra atomara Mühleberg. Quai dura radund 15 onns.
Mühleberg è l'emprima ovra che vegn mess ord funcziun.
