Svizra - Disgrazia: commember dal cussegl d'administraziun d'ABB è mort
Tar ina crudada d'in eroplan en la Brasilia è mort Roger Agnelli, il commember dal cussegl d'administraziun dal concern ABB. En tut èn mortas 7 persunas, tranter questas era la famiglia da Agnelli.
Tenor las autoritads è l'eroplan privat d'Agnelli crudà giu en il nord da Sao Paolo curt suenter la partenza en duas chasas. In abitant è vegni blessà. Il motiv per la crudada n'è betg cler. L'aura era buna. - Agnelli aveva 56 onns. El era dapi il 2002 commember dal cussegl d'administraziun dal concern da tecnologia svizzer.