La sonda curt suenter las 12 ha la polizia chantunal dal Vallais survegnì l'avis, ch'in aviun pitschen saja crudà giu en ils culms sur Blatten. Damai che la persuna aveva era vis ferm fim, ha la Air Zermatt sgulà dasper las forzas da salvament era pumpiers al lieu da l'accident.
Al lieu hajan ins lura mo pudì constatar la mort dals passagiers da l'aviun, sco la polizia vallesana scriva. Las unfrendas èn dus Svizzers da 66 e 50 onns, e dus Austriacs da 50 e 46 onns.
L'aviun pitschen era partì la sonda en damaun da l'eroport Reichenbach en il chantun Berna. Planisà era ch'il sgol fineschia lura era là en il decurs dal di.
audio
Per tadlar: Las novitads da las 15.00
ord RTR Audio dals 25.07.2020.
Maletg: RTR
laschar ir. Durada: 3 minutas 10 Secundas.