Siglir tar il cuntegn

Header

cuntegn

Dispita da taglia UBS sto «mo» pajar 1,8 milliardas euros a la Frantscha

La banca gronda UBS sto en la dispita da taglia cun la Frantscha er en segunda instanza magunar ina terrada. La dretgira d'appellaziun pretenda in pajament da radund 1,8 milliardas euros.

Il «Cour d'appel» a Paris ha sentenzià la banca gronda ad in chasti da radund 1,8 milliardas euros - ina milliarda vegn confiscada, 800 milliuns sto la banca pajar sco indemnisaziun. Quai è in toc pli pauc che quai che l'emprima instanza aveva decis il 2019 – tenor lezza avess l'UBS stuì pajar 3,7 milliardas euros.

A l'UBS vegn rinfatschà d'avair gidà a fugitivs da taglia tranter il 2004 ed il 2012 sistematicamain da zuppar daners en Svizra. Concret vai per ina summa da radund 10 milliardas euros. Sche la banca vegn, cuntrari al 2019, ad acceptar la sentenzia n'è anc betg enconuschent.

RTR novitads 15:00

Artitgels legids il pli savens