Svizra - Dispita da taglia - ulteriuras difficultads per bancas svizras
Bainbaud ston las bancas svizras quintar cun difficultads en ulteriurs pajais. L'administraziun da finanzas da Nordrhein-Westfalen ha dà vinavant a 27 stadis datas da contos en Svizra cun radund 100 milliardas francs.
Las datas derivian da discs da taglia che sajan vegnids cumprads en il passà, communitgescha il ministeri da taglia. I satractia d'ina «vaira industria d'omissiun fiscala».
Nordrhein-Westfalen aveva adina puspè cumprà discs cun datas da defraudaders da taglia probabels. Ils ultims 5 onns ha Nordrhein-Westfalen gì entradas supplementaras da passà 2 milliardas euros pervì da la cumpra dals discs.
