Siglir tar il cuntegn

Header

cuntegn

«Distance learning» In terz dals recruts cumenzan lur servetsch da chasa anora

Per in terz da las recrutas e dals recruts cumenza la scola da recruta ils 17 da schaner a chasa cun «distance learning». Quai per proteger lur sanadad, sco l'armada communitgescha. La scola da recruta entschaiva lura fisicamain pir els ils 31 da schaner.

Tut ils recruts e tuttas recrutas ch'entschaivan la recruta ston far in test da PCR u in test d'antigen avant ch'entrar fisicamain. Tgi ch'ha in test positiv sto star a chasa ed era far il «distance learning». Il rest vegn anc ina giada testà durant l'emprima emna.

Il distance learning cumpiglia in studi auto-didactic da radund sis uras per di, sco er quatter uras trenament da sport per emna. Tar l'entrada fisica vegn il success d'emprender lura controllà ed ils dis a chasa vegnan quintads sco dis da servetsch.

Gia avant in onn ha ina part dals recruts entschet la recruta davent da chasa, uschia era Ivano Simonet:

video
Ivano Simonet – in recrut en homeoffice
Or da Telesguard dals 20.01.2021.
laschar ir. Durada: 2 minutas 52 Secundas.

RTR novitads 12:00

Artitgels legids il pli savens