Svizra - Documents publics duai dar en furma electronica
Originals da scrits da naschientscha ed auters documents publics duain en avegnir vegnir creads a moda electronica, quai propona il Cussegl federal en ina lescha ch'è uss en consultaziun.
Ozendi ston ils originals da documents publics vegnir fatgs sin palpiri. Sco quai ch'il Departament federal da polizia e giustia scriva, na dovria en l'avegnir betg pli il document sin palpiri, el po dentant vinavant esser pussaivel. Cun introducir l'original electronic vul il Cussegl federal er stgaffir in register naziunal per ils documents publics electronics.
