Las datas che valan sco secretas èn vegnidas enconuschentas l’emna passada. Ils documents paran da derivar d’interrogaziuns che la milissa da terror ha fatg cun candidats.
Ils Svizzers ch’èn vegnids chattads en ils documents èn vegnids interrogads tranter l’avust 2013 ed il mars 2014. In dad els ha oz 32 onns ed abitava en il Vallais avant ses viadi tar il Stadi islamic en Siria. L’um è entant turnà enavos en Svizra e vegnì sentenzià a 600 uras lavur d’utilitad publica.
3 persunas èn para anc adina en Siria
Las 3 ulteriuras persunas dastgassan anc sa chattar en la regiun da cumbat. Ina da quellas deriva da la Svizra franzosa, ha 25 onns ed è burgais svizzer. In terz um da 45 onns è oriundamain da l’Egipta ed inditgescha da viver al lai da Genevra. Tar la quarta persuna sa tracti dad in um da 39 onns oriund dal Maroc. El ha para vivì per intgins mais en Svizra.
RR novitads 17:00