Uschè bler na saja anc mai vegnì rimnà per unfrendas da guerra, communitgescha la Chadaina da Fortuna. Cun las donaziuns èn fin ussa vegnids sustegnids 78 projects dad 11 organisaziuns nunguvernamentalas. Tut en tut hajan 820’000 persunas profità da quests daners da donaziuns.
Projects sin la ruta dal Balcan
Dapi il settember 2015 sustegna la Chadaina da Fortuna plinavant projects d’urgenza per fugitivs che sa chattan sin la ruta dal Balcan. Quests projects vegnan organisads d’organisaziuns da partenari che distribueschan tranter auter mangiativas, aua, artitgels da igiena, cuvertas ed equipament per l’enviern. Il focus principal saja tar il provediment medicinal, quai surtut al cunfin tranter la Grezia e la Macedonia.
RR novitads 11:00