Siglir tar il cuntegn

Svizra Donns da milliuns a Losanna

A Losanna han las malauras da la notg sin mardi chaschunà donns da milliuns. L'assicuranza d'edifizis chantunala quinta tenor emprimas stimaziuns cun donns da radund 5 milliuns francs.

auas grondas ed in autos è bunamain sut l'aua
Legenda: La plievgia intensiva ha chaschunà 2'000 cloms als pumpiers. Keystone

Enfin uss haja l'assicuranza survegnì radund 650 annunzias per donns. En tut spetgia l'assicuranza dentant 1'000 fin 1'500 ha ditg la respunsabla da communicaziun da l'assicuranza. Ils pli blers cas pertutgian stanzas inundadas. Ina stimaziun pli exacta pon ins dar l'emna proxima.

Entant è la situaziun sa calmada. Quasi tuttas vias èn puspè libras e rumidas. Pumpiers e la protecziun da catastrofas èn dentant anc adina en acziun. Pervi da l'aua gronda han els stuì intervegnir en 530 cas. Il numer 118 ha survegnì passa 2'000 cloms.

RR novitads 20:00