Siglir tar il cuntegn

Header

cuntegn

Donns da tschients mius. frs. Granella, urizis ed auas grondas han chaschunà gronds donns

Granella ed urizis il zercladur, auas grondas ed inundaziuns il fanadur: l’aura dals emprims dus mais da stad ha chaschunà donns da tschients milliuns francs en Svizra. Ils donns da granella èn stads pli gronds che quels da las auas grondas. Quai rapporta l’agentura da novitads Keystone-SDA.

Cumpareglià cun auters onns saja quest onn extraordinari che las diversas malauras ed uschia era ils donns sajan sa cummuladas entaifer paucas emnas, hai num da vart da l'assiccurrenza Axa. Ils experts da l'assiccurranza quintan fin la fin da l'onn cun donns da var 143 milliuns francs or da passa 33'000 annunzias pervi da las malauras. La Mobiliar quinta cun donns da bunamain 300 milliuns francs or da 60'000 annunzias da donns. La Helvezia quinta percunter cun ina summa enturn 50 milliuns francs.

audio
Per tadlar curt e cumpact
01:15 min, RTR Audio dals 23.07.2021.
laschar ir. Durada: 01:15 minutas.

Anc betg cuntanschì ils records dal 2005

Malgrà ch’ils donns èn auts – ils custs or da l’onn da record il 2005 n’èn anc betg cuntanschids. Là ha be la Mobiliar pajà en total 450 milliuns francs. Ed en il chantun da Lucerna ch'era ferm pertutgà lezza giada hai tenor l'assiccuranza da bajetgs dà donns da 235 milliuns francs. Quest onn sa movan ils donns en il chantun da Lucerna tranter 150 e 200 milliuns francs. La fin d’emna pudessi dentant gia dar ulteriurs donns: a partir da sonda suentermezdi èsi cunzunt en la Bassa da quintar cun ulteriurs urizis e granella. Questa giada vegnian quels però plitsot en furma da singulas vias d'urizi e betg sur pli grondas surfatschas sco tar las ultimas malauras. Quai tenor ils experts da l'Uffizi federal d'ambient.

Ord l'archiv

video
sil punct dals 13.07.2021
Or da sil punct dals 13.07.2021.
laschar ir

RTR novitads 16:00

Artitgels legids il pli savens

Scrollar a sanestra Scrollar a dretga