Doris Leuthard daventa nova presidenta da la Confederaziun

L’Assamblea federala ha elegì la cussegliera federala cristian-democratica cun 188 da 207 vuschs valaivlas. 11 vuschs ha survegnì Ueli Maurer. A differentas persunas èn idas 8 vuschs, 7 cedels da vuschar eran nunvalaivels e 21 vids.

Cussegliera federala Doris Leuthard Bild in Lightbox öffnen.

Legenda da maletgs: La presidenta da la Confederaziun per il 2017, Doris Leuthard, ils 6 da december en la sala dal Cussegl naziunal. Keystone

L’actual president da la Confederaziun Johann Schneider-Ammann aveva l’assamblea elegì cun 196 vuschs, sia antecessura Simonetta Sommaruga aveva cuntanschì 181 vuschs.

Doris Leuthard surpiglia il presidi da la Confederaziun per la segunda giada. L’emprima giada presidenta è ella stada il 2010. Leuthard è dapi il 2006 commembra dal Cussegl federal e fa uschia part il pli ditg dal gremi. Ella maina dapi sis onns il Departament per ambient, traffic, energia e communicaziun UVEK.

RR novitads 12:00