Ina fracziun communabla da la PCD, ils verd-liberals e la partida burgais democrata na tanschia dentant betg. Il center restia dividì, ha ditg Leuthard envers la «Neuen Luzerner Zeitung» ed il «St.Galler Tagblatt». Sche las partidas dal center veglian propi vegnir pli fermas na dastgian ins betg sclauder la fundaziun dad ina partida nova.
Leuthard spera sin cumpromiss
Malgrà la nova repartiziun da las forzas el parlament spera Leuthard che cumpromiss possian er vegnì realisads en futur. «Jau quintal ch'ì dettia en la PPS e la PLD er politichers che pondereschan sez, e betg mo schuldads da partida».
Nagin vul construir novas ovras atomaras
Sur da la pli impurtanta fatschenta dal departament federal d’ambient, traffic, energia e communicaziun, l’abandun da l’energia nucleara na fa Leuthard betg quitads. «Jau na conusch nagin, gnanc ord las retschas da la PPS che vul construir novas ovras atomaras, er en vista al rument atomar che nagin vul deponer» ha ditg Leuthard.
RR novitads 10:00