Il president da la PCD, Christoph Darbellay dementescha uschia las speculaziuns che Leuthard sa retiria da ses uffizi. Doris Leuthard vegnia a candidar per in'ulteriura perioda d'uffizi tar las elecziuns dal Cussegl federal da mez december.
Leuthard era vegnida elegida en il Cussegl federal il 2006, ed è uschia la cussegliera federala ch'è il pli ditg en uffizi. Ella pudess daventar presidenta da la Confederaziunil 2017. Sche Leuthard sa retiria lura, ha Darbellay laschà avert.
Doris Leuthard sezza ha fin ussa adina respundì ambivalent sin las dumondas, sch'ella candideschia anc ina giada, ubain sch'ella sa retiria. Quatras èn naschidas las speculaziuns che l'Argovesa da 52 onns pudessia sa retrair tacticamain.
RR novitads 06:00