Siglir tar il cuntegn

Header

Navigaziun

cuntegn

Svizra Dormakaba cun main svieuta ma dapli gudogn

L'interpresa svizra Dormakaba ha pudì augmentar l'emprim semester da l'onn da fatschenta il gudogn, ha dentant nudà ina svieuta pli bassa.

Purtret d'intginas serras da clavs cun scrit si Kaba.
Legenda: Il concern da Dormakaba ha pudì augmentar il gudogn. Keystone

Sco quai ch'il producent da las clavs da Kaba communitgescha ha l'emprim mez onn purtà in gudogn schuber da 127 milliuns francs, in plus da bunamain 12% cumpareglià cun l'onn avant. La svieuta è sa sminuida levet sin 1,4 milliardas francs.

Vendì pli pauc en l'America, dapli en l'Asia

Cun excepziun dal segment da sistems d'entrar en l'America dal Sid e dal Nord, sajan tut ils segments creschids, scriva Dormakaba. Il pli ferm saja creschida cun 5,5% il segment da sistems en l'Asia ed enturn il Pacific.

Per l'entir onn da fatschenta che va fin il zercladur quinta Dormakaba cun in creschament da la svieuta.

RR novitads 09:00