Siglir tar il cuntegn

Header

cuntegn

Svizra Dovran ils parlamentaris assistents persunals per far buna lavur?

Plirs parlamentaris conuschents han da sbatter cun problems da sanadad e burnouts. Uschia Natalie Ricklin da la partida populara ni Martin Bäumle dals verdliberals. Uss vul Matthias Aebischer che mintga parlamentari a Berna survegn in assistent persunal.

audio
Bunura: Assistentas per parlamentaris reacziuns
ord Actualitad dals 04.11.2015.
laschar ir. Durada: 3 minutas 59 Secundas.

«Blers parlamentaris èn sur dumandads e surchargiads cun lavur» Quai la decleraziun da l’iniziativa parlamentara inoltrada dal cusseglier naziunal socialdemocrat Matthias Aebischer dal chantun Berna. L’iniziativa pretenda collavuraturs persunals per mintga commember dal parlament. Er suttascrit l’iniziativa ha il cusseglier naziunal grischun da la partida populara svizra Heinz Brand. Per Brand èsi impurtant ch’il parlamentari è bain preparà, uschia possia la lavur el parlament vegnir pli effizienta.

La lavur dals parlmentaris è s'augmentada marcant ils ultims onns

Tenor Hansjörg Hassler da la partida burgais democrata è il pensum s’augmentà marcant ils ultims onns, uschia dovria mintga parlamentari in assistent persunal cun in pensum da 80%, ha ditg Hassler sin dumonda da RTR.

Per Martin Candinas cusseglier naziunal da la partida cristian democratica va l’iniziativa memia lunsch. Il mument haja mintga parlamentari 33’000 francs per emploiar in assistent. Candinas propona d’augmentar quests daners ma cun la cundiziun ch’ils daners vegnian era impundi per in assistent e betg sco paja supplementara.

Per la Confederaziun muntass quai custs supplementars da radund 13 milliuns francs. Ma tenor l’iniziant Aebischer fissan ils parlamentaris bain preparats ed cun dapli energia per projects ed ideas innovativas.

Artitgels legids il pli savens