Cun las novas reglas per il dretg d'armas reagescha l'UE sin las attatgas terroristicas dals davos onns. Ils pajais commembers ston dentant anc approvar las midadas. La Svizra sto, sco commembra dal spazi da Schengen surpigliar las novas reglas da l'UE. Quellas vulan tranter auter che las armas e lur tocca vegnan marcadas meglier. Er armas mez-automaticas che pon sajettar dapli che 20 patronas duain vegnir scumandadas. Excepziuns duai dar per museums, collecturs e tiradurs da sport.
Gronda resistenza en Svizra
Pliras associaziuns da tir svizras han annunzià da vulair cumbatter las novas reglas. Las associaziuns vulan metter en acziun in referendum en cas che la Svizra surpiglia las relas. Fa la Svizra dentant betg quai, vegn ella en il pli extrem cas exclusa dal contract da Schengen.
RR novitads 18:00