Siglir tar il cuntegn

Header

cuntegn

Dretg d'ierta Suenter passa 100 onns duai dar ina midada

Il Cussegl dals chantuns vul modernisar il dretg d'ierta ch'è gia passa 100 onns vegl. El ha decis da reducir la cumpart obligatorica ch'ils uffants han da bun. Ils geniturs na duain en futur insumma betg pli avair ina tala cumpart obligatorica sch'in uffant mora.

Cun questas decisiuns suonda la Chombra pitschna per gronda part las propostas dal Cussegl federal. Per lez èsi impurtant da stgaffir dapli flexibladad en dumondas da l'ierta e ch'il dretg d'ierta giaja era a prà cun la realitad da viver d'ina gronda part da la populaziun, ha declerà la cussegliera federala Karin Keller Sutter.

Anc betg schlià il problem dal concubinat

En in punct decisiv è il Cussegl dals chantuns dentant anc betg suandà la regenza. La maioritad na vul betg ch'in partenari survivent en in concubinat ha il dretg sin in sustegn finanzial da l'ierta. Il Cussegl federal ha vulì ina tala regla, sch'il pèr ha vivì ensemen dapi almain 5 onns e sche la mort dal partenari procura tar il partenari survivent per grondas difficultads finanzialas.

Ord l'archiv:

Avant radund in onn aveva il Cussegl federal preschentà las midadas ch'el propona per la lescha d'ierta:

RR novitads 12:00