Il Cussegl federal vul midar il dretg da concurs. Per quest intent ha el incumbensà il Departament federal da giustia e polizia dad elavurar ina missiva correspundenta.
Il parlament aveva approvà ina moziun da l’anteriur cusseglier dals chantuns Hans Hess (PLD). Hess aveva argumentà ch’il concurs dad interpresas vegnia adina puspè malduvrà per sa deliberar da debits e da betg pajar las pajas. Curt suenter il concurs vegnia alura fundà ina nova societad, il persunal engaschà danovamain e las maschinas cumpradas ord la massa da concurs.
Quest agir mainia a distorsiuns da concurrenza e la cassa da dischoccupaziun haja il donn.
RR novitads 12:00