La cumissiun da dretg dal Cussegl naziunal vul midar il dretg da locaziun e trametta en consultaziun ina proposta. In punct dispitaivel è la sutlocaziun. Per ina tala duai duvrar en l'avegnir ina suttascripziun dal locatur u la locatura. Latiers duai esser pussaivel da renviar ina sutlocaziun. Ina sutlocaziun da dapli che dus onns na stoppia betg vegnir acceptada.
I duai daventar pli simpel da visar in'abitaziun sch'ins dovra quella per sasez u per persunas parentadas. Era duessi dar levgiaments formals tar in auzament da tschains ed ina suttascripziun squitschada tar formulars.
La consultaziun dura anc fin ils 6 da december 2021.
audio
Per tadlar: Las novitads da las 14:00
ord RTR Audio dals 06.09.2021.
laschar ir. Durada: 2 minutas 27 Secundas.