Siglir tar il cuntegn

Header

Cussegl naziunal.
Legenda: Il parlament vul proteger l'economia svizra cun meglras controllas tar investiziuns internaziunalas en firmas svizras. Keystone
cuntegn

Dretg da veto tar acquisiziuns Parlament vul proteger firmas svizras

La Confederaziun duai il futur pudair scumandar ad investurs da l'exteriur da cumprar interpresas svizras. Suenter la Chombra pitschna ha il mardi era il Cussegl naziunal acceptà ina moziun che pretenda controllas d'investiziuns.
En la cumissiun aveva quai però anc tunà auter. Ina maioritad era là stada da l'opiniun che talas controllas na portian nagut. Anzi, controllas portian be per dapli birocrazia e fetschian donn a l'economia svizra. Quella saja numnadamain dependenta d'investurs da l'exteriur.

Investurs ord pajais cun regenzas autoritaras

Tut auter hai uss tunà en il Cussegl naziunal: La sanestra ed er las partidas dal center han argumentà ch'era auters pajais hajan ils ultims onns rinforzà lur controllas – quai en vista a concerns e fonds statals cun blers daners, controllads da regenzas autoritaras. Quellas hajan numnadamain tut interess da cumprar savida e tecnologia en l'exteriur per uschia rinforzar l'atgna economia.

Il Cussegl federal sto uss elavurar ina proposta per ina lescha ed in'autoritad da controlla. Quella duai lura vegnir activà, sche la segirezza ed ils interess vitals da la Svizra pudessan esser periclitads pervi da la cumpra, ma er sche investurs svizzers n'han betg il medem dretg dad investir en l'auter pajas sco investiders da quel pajais en Svizra.

Ord l'archiv da SRF:

Video
Dovra l'economia svizra dapli protecziun?
Or da 10vor10 dals 02.03.2020.
laschar ir
Cussegl naziunal.
Legenda: Il parlament vul proteger l'economia svizra cun meglras controllas tar investiziuns internaziunalas en firmas svizras. Keystone

RTR novitads 12:00

Artitgels legì il pli savens

Nach links scrollen Nach rechts scrollen