Minorenas e minorens dovran nagina lubientscha dals geniturs per laschar vaccinar encunter corona. Quai ha decis la dretgira chantunala da Fribourg. Ina tala lubientscha cuntrafetschia a la convenziun da l'ONU davart ils dretgs d'uffants, uschia l'argumentaziun.
Decisiun ha anc betg vigur legala
La decisiun è vegnida publitgada en l'internet, sco la gasetta «La Liberté» rapporta. La refusa dal recurs dals dus geniturs po anc vegnir tratga vinavant a Losanna ed n'ha perquai anc betg vigur legala. Er ils dubis davart il vaccin dals geniturs n'ha la dretgira betg laschà valair. Quels levan in stop definitv da la campagna da vaccinar per minorens. I saja bain ina manipulaziun en la integritad corporala, ma in minoren saja absolutamain en causa da pudair giuditgar quai e da dar ses consentiment.