Tenor la Dretgira chantunala na fetschia quai betg senn da tegnair ina radunanza generala extraordinaria curt avant la radunanza generala ordinaria. La radunanza generala duai avair lieu ils 14 d'avrigl.
Il cussegl d’administraziun e la famiglia possessura sa dispitan dapi in temp sur da la vendita da l’interpresa a la concurrenza franzosa Saint-Gobain.
Sika surprenda Axson Technoligies
Mardi avantmezdi aveva Sika communitgà da cumpra l’interpresa Axson Technologies ch’è spezialisada sin l’explotaziun da rascha. Uschia expandescha Sika en il segment da material cumponì e da construcziun da guaffens, scriva l’interpresa. L’interpresa haja annunzià gia il schaner ses interess vid il concern franzos. Axson Technologies dat lavur a var 1’000 persunas e fa ina svieuta da 250 milliuns euros.
RR novitads 11:00/12:00