Dretgira dat raschun a Sika

Il concern svizzer Sika survegn raschun, limitar ils dretgs da vuschar a la radunanza generala dal 2015 è stà legal. Tenor la sentenzia ha il cussegl d’administraziun ina gronda libertad, da refusar insatgi che cumpra pli che 5% da las aczias nominalas da Sika.

Logo da Sika Bild in Lightbox öffnen.

Legenda da maletgs: Sika gudogna in’etappa en ses cumbat per evitar ch’il concern franzos Saint-Gobain al tragutta. Keystone

La Dretgira dal chantun Zug ha refusà in plant da la holding Schenker-Winkler cunter las decisiuns da la radunanza generala. La holding ch'è en ils mauns da pliras famiglias, tegna cun 16% dal chapital d'aczias var 53% dals dretgs da vuschar. Cun limitar quests dretgs vuleva la direcziun da Sika evitar, ch'il concern per chemia da construcziun cun sedia a Zug vegnia vendì en la Frantscha a l'interpresa Saint-Gobain.

In recurs cunter la sentenzia è pussaivel ils proxims 30 dis.

RR novitads 21:00