Svizra - Dretgira decida cunter il procuratur public federal
Il procuratur public federal Michael Lauber aveva la primavaira passada refusà la reelecziun da 5 procuraturs publics. In dals 5 ha fatg recurs al Tribunal administrativ federal e survegni raschun.
In dals procuraturs publics relaschads survegn uss indemnisaziuns da 14 pajas mensilas. Quai ha il Tribunal administrativ federal decis. Il procuratur public aveva fatg recurs cunter la decisiun. La dretgira ha decis che da betg reeleger l’um saja facticamain il medem sco da relaschar l’um. Cunter la sentenzia po anc vegnir fatg recurs a la proxima instanza il Tribunal federal a Losanna.
