Siglir tar il cuntegn

Svizra Dretgiras ston giustifitgar chasti da daners empè da praschun

Il nov dretg da sancziuns è sut tetg. Tenor proposta da la Conferenza d'intermediaziun ha uss er il Cussegl naziunal acceptà la davosa versiun dal Cussegl dals chantuns.

Sala da dretgira.
Legenda: Giud maisa è la proposta da reglar painas da praschun enfin 12 mais mo cun in mandat penal, enstagl cun ina sentenzia da la dretgira. Keystone

Quai vul dir che las dretgiras ston en l'avegnir giustifitgar lur decisiun mintga giada ch'ellas han la schelta tranter ina paina da praschun ed in chasti da daners.

Giud maisa è la proposta da reglar painas da praschun enfin 12 mais mo cun in mandat penal, enstagl cun ina sentenzia da la dretgira. Gia pli baud aveva il parlament puspè introducì painas da praschun curtas, vul dir sut 6 mais.

RR novitads 18:00