Siglir tar il cuntegn

Header

cuntegn

Dretgs fundamentals Amnesty crititgescha agir da Svizra en crisa da corona

Amnesty International, l'organisaziun per la defensiun dals dretgs umans, crititgescha la Svizra. Per l'ina mussia ella memia pauc solidaritad envers pajas povers e per l'autra haja la Svizra restrenschì ils dretgs fundamentals en connex cun las mesiras cunter corona.

I va per ils dretgs fundamentals sco la libertad d'opiniun, il dretg da libra circulaziun u er da libertad da sentupada. Tranter il mars fin il zerladur da l'onn passà haja la Svizra decidì mesiras urgentas – la polizia aveva dentant l'entschatta da la pandemia naginas directivas per execuir quellas. Tranter auter hajan ins scumandà pauschal demonstraziuns.

En il rapport annual d'Amnesty International stat er ch'ils stadis ritgs stoppian mirar che tut ils carstgauns survegnian gratuit e dapertut vaccin cunter corona. Er la Svizra stoppia esser pli solidarica e betg cumbatter la finamira da schluccar las reglas che protegian la proprietad intellectuala en connex cun vaccins cunter corona. Las firmas da farma stoppian parter lur savida.

RTR novitads 06:00

Artitgels legids il pli savens

Scrollar a sanestra Scrollar a dretga