Siglir tar il cuntegn

Svizra Drona periclitescha in aviun

Sur la citad da Berna hai dà l'entschatta da zercladur in'avischinaziun privlusa tranter in aviun ed ina drona.

Drona datiers d'in aviun.
Legenda: Dronas pon esser in privel per ils aviuns. Sur la citad da Berna è capità ina tala situaziun (maletg da simbol). Keystone

Succedì è questa situaziun privlusa ils 2 da zercladur, l'aviun era sin via da l'eroport da Berna en la citad Antalya. Quai è da leger en il rapport provisoric dal post svizzer per l'inquisiziun da segirtad SUST ch'investighescha en chaussa.

Situaziun privlusa sin 1'200 meters sur mar

Suenter la partenza da l'eroport Bern-Belp han ils pilots da l'aviun remartgà ch'ina drona sa vischina a lur aviun. Tar questa situaziun èsi vegnì en in'autezza da 1'200 meters sur mar. Quant datiers che la drona e l'aviun èn vegnids n'è betg enconuschent. La drona era en scadin cas illegalmain en quest spazi aviatic.

RR novitads 14:00