Siglir tar il cuntegn

Header

cuntegn

Svizra Dschihadist supponì avant dretgira

Per l'emprima giada sto in aderent dal dschihad sa responsar avant dretgira en Svizra. El era vegnì arrestà l'avrigl 2015, cura ch'el vuleva partir en in territori da cumbat.

L'um da Winterthur ha 25 onns. El sto sa responsar davant il Tribunal penal federal a Bellinzona. La Procura publica federala rinfatscha ad el ch'el haja vulì ir tar l'organisaziun terroristica Stadi islamic. Ultra da quai haja el cuntrafatg en plirs cas al scumond da represchentaziuns da violenza. Per quests delicts èsi previs in chasti d'enfin 5 onns praschun.

En Svizra è quai l'emprim cas da quest gener che vegn avant dretgira. En tut sto la Procura publica federala s'occupar da 46 proceduras penalas en connex cun terrorissem da dschihadists.

RR novitads 15:00

Artitgels legids il pli savens