Ils dschihadists probabels duain vegnir davant dretgira en il pajais, nua ch'els han fatg il delict. En pli duain quellas persunas er seser giu là il chasti. La persecuziun penala duai vegnir fatga suenter standards internaziunals. Il Cussegl federal scriva che la Svizra fiss er pronta da sustegnair in tribunal internaziunal, che vegniss fundà spezialmain per quels cas.
Naginas repatriaziuns
Sche ina persuna turna ord atgna voluntad en Svizra, lura po quella far quai. Repatriaziuns na fa la Svizra però naginas. Be tar uffants pudessi tut tenor dar excepziuns.
Var 20 persunas svizras – dunnas, umens ed uffants – èn tenor infurmaziuns dal Cussegl federal en il territori da conflict en Siria ed en l'Irac. Quellas persunas duain esser viagiadas tar l’organisaziun terroristica Stadi Islamic (IS) per sustegnair il dschihad.
RR novitads 17:00