Siglir tar il cuntegn

Header

Navigaziun

Purtret dal logo da Panalpina.
Legenda: DSV surpiglia la Panalpina. Keystone
cuntegn

Svizra DSV surpiglia Panalpina per 4,6 milliardas

Il logisticher danais surpiglia il concurrent Panalpina per 195,80 per aczia. Uschia vegn Panalpina valitada cun 4,6 milliardas francs. Il cussegl d'administraziun da Panalpina cusseglia a ses acziunaris d'acceptar l'offerta.

Ils trais acziunaris ils pli gronds tegnan 69,9% da las aczias e sustegnan la transacziun. Per il concern basilais aveva DSV gia il schaner fatg amogna da pajar 180 francs per aczia da Panalpina. Quai fissan stads en tut 4,27 milliardas francs. Cun l'offerta dad uss 195,80 francs vegn Panalpina valitada cun 4,6 milliardas francs.

«DSV Panalpina A/S»

L'ultim quartal dal 2019 duai la transacziun esser cumplettada. Cun la fusiun daventan DSV e Panalpina ina da las fatschentas da logistica las pli grondas dal mund cun ina valita da 18,2 milliuns francs e 60'000 collavuraturs.

Il num duai vegnir midà en «DSV Panalpina A/S». Pervi dal barat d'aczias ha Panalpina spustà la radunanza generala extraordinaria ch'era planisada ils 5 d'avrigl.

RR novitads 08:00