A la plazza aviatica Turitg han ils collavuraturs da la duana confiscà 4442 kilos khat aifer 14 dis. I sa tracta da la pli gronda quantitad da drogas ch'è insacura vegnida confiscada a la plazza aviatica Kloten, communitgescha l’administraziun federala da la duana.
Las drogas eran zuppadas en bunamain 500 pachets da posta. Ils pachets derivan da la Kenia e da la Tansania ed eran declerads sco té, henna u sco spezarias.
Kath - in amfetamin cun grond potenzial da dependenza
La planta da Kath vegn producida en l’ost da l’Africa u en il sidvest da las peninslas arabas. Ils fegls da la planta cuntegnan la substanza “Cathion”, in amfetamin cun in aut potenzial da dependenza. Dapi il 1992 è kath suttamess a la lescha da meds narcotics.
