Il privel da tals velos electrics, surtut la spertadad, vegnia savens sutstimada. L’onn 2011 avevi dà 69 accidents cun e-bikes grevs u mortals, l’onn 2013 gia 118, ed il 2014 in dumber da 145.
Accidents grevs cunzunt tar glieud pli veglia
Accidents cun e-bikes èn tenor l'UFA savens pli grevs che tals cun velos usitads. Quai haja però er da far cun il fatg che las persunas che van cun e-bikes èn en media pli veglias. Però sajan memia paucas persunas pli veglias conscientas dal ristg da far in accident individual, malgrà ch’ellas sajan infurmadas sur da la spertadad augmentada dals e-bikes.
Slow down
Tenor l'UFA èsi d’agir per pudair augmentar la segirezza tar manischunzs dad e-bikes. I dovria cunzunt analisas exactas sco era chapellinas meglieradas. Ultra da quai porscha l'UFA curs per novizs. Per sensibilisar manischunzs per ils privels cumenzà la fin dal zercladur ina campagna cun l’anghel conuschent «Franky Slow Down».
RR novitads 15:00