Siglir tar il cuntegn

Header

Navigaziun

Virola encunter virustgel.
Legenda: Keystone
cuntegn

Svizra Dubel uschè blers cas da virustgel il mars

Il mais passà èsi vegnì annunzià 55 novs cas da virustgel a la Confederaziun. Cunquai è il dumber dals cas da malsogna prest sa dublegià dapi l’entschatta da l’onn.

Tenor il bulletin emnil da l’Uffizi federal da sanadad èsi vegnì annunzià dapi l’entschatta da l’onn 97 cas da virustgel. En cumparegliaziun: Ils emprims trais mais dal 2018 eran quai anc stads 15 cas.

Il sintoms:

  • friessen spir tacs vi dal culiez, la fatscha
  • fevra, strucca, tuss, mal il venter, il chau u culiez

L'Uffizi federal da sanadad cusseglia da sa laschar vaccinar encunter il virustgel, quai en cumbinaziun cun la vaccinaziun da virustgel fauss e la mieur. Per la protecziun dovri duas vaccinaziuns.

Co vegn il virustgel dà vinavant?

Il virustgel è ina malsogna d'infecziun che po vegnir dada vinavant entras la tuss u il starnidar. La malsogna fitg contagiusa na pertutga betg mo uffants, er giuvenils u creschids che n'èn betg virolads encunter il virustgel pon s'infectar.

RR novitads 11:00