Siglir tar il cuntegn

Header

cuntegn

Dubis davart plattafurma Il protectur da datas cumenza procedura cunter meineimpfungen.ch

L’incumbensà federal per la protecziun da datas ha instradà ina procedura cunter il gestiunari da la pagina d’internet «meineimpfungen.ch». La pagina n’è betg pli cuntanschibla. Quai suenter che retschertgas dal magazin online «Republik» avevan mussà grondas largias da segirtad.

La pagina «meineimpfungen.ch» maina per incumbensa da l’Uffizi federal da sanadad BAG il pass da vaccinar electronic. Là po tut tgi che vul registrar online sias vaccinaziuns. Uss ston ils responsabels da la pagina s’exprimer davart las renfatschas.

Il magazin online «Republik» aveva rapportà, che hackers hajan gì access a tut ils attests da vaccinar che sajan vegnids creads insacura. E quels hajan era pudì crear sezs tals documents, era per persunas che n’han gnanc survegnì ina vaccinaziun. En tut vai per datas da 450’000 persunas.

audio
Per tadlar curt e cumpact
ord RTR Audio dals 23.03.2021. Maletg: Keystone
laschar ir. Durada: 1 minuta 5 Secundas.

Avant trais mais en «10 vor 10» da SRF:

video
Or da l'archiv: Il pass da vaccinar electronic
Or da 10 vor 10 dals 28.12.2020.
laschar ir. Durada: 4 minutas 27 Secundas.

RTR novitads 14:00

Artitgels legids il pli savens