Il concern da products da luxus Richemont ha fatg l’emprima mesadad da l’onn da fatschenta 2018/19 marcantamain dapli gudogn e svieuta. Il gudogn saja s’augmentà sin 2,25 milliardas euros.
Avant in onn muntava el anc ad ina milliarda. La svieuta saja s’augmentada per 21% sin passa 6,8 milliardas euros. Quai ha communitgà il concern svizzer. D’attribuir saja quest resultat en emprima lingia a diversas surpigliadas.
Tranter auter tutgan las marcas dad uras IWC, Vacheron Constantin e Piaget a Richemont.
